2 мая мы празднуем День памяти Блаженной старицы Матроны Московской. После того, как мощи святой оказались в Покровском женском монастыре Москвы, тысячи людей ежедневно с живыми цветами приходили сюда и обращались к святой заступнице, прося о помощи в скорбях, обидах и болезнях. И никто не оставался неутешенным. Теперь в монастырь трудно попасть из-за запрета на проезд по городу московских властей. Но у многих есть иконы Блаженной и мы можем обратиться к ней с молитвами, в надежде, что она услышит и поможет в это ужасное время.

О, блаже́нная ма́ти Матро́но, душе́ю на Небеси́ пред Престо́лом Бо́жиим предстоя́й, те́лом же на земли́ почива́яй и да́нною ти свы́ше благода́тию разли́чная чудеса́ источа́яй! При́зри ны́не ми́лостивным твои́м о́ком на ны гре́шныя, в ско́рбех, боле́знех и бесовских искуше́ниях дни своя́ иждива́ющия. Прославленная Богом, и прославленная человеками, уте́ши ны, отча́янныя, исцели́ неду́ги на́ши лю́тыя, от Бо́га нам по грехо́м на́шим попуща́емыя.

Изба́ви нас от мно́гих скорбей и обстоя́ний, и умоли́ Го́спода на́шего Иису́са Христа́ прости́ти нам вся́ на́ша согреше́ния, беззако́ния и грехопаде́ния, яже мы от ю́ности на́шея да́же до настоя́щаго дне и часа́ согреши́ли, да твои́ми моли́твами получи́вше благода́ть и ве́лию ми́лость, просла́вим в Тро́ице Еди́наго Бога, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

О, блаже́нная ма́ти Матро́но, услы́ши и приими́ ны́не нас, гре́шных, моля́щихся тебе́, навы́кшая во всем житии́ твое́м приима́ти и выслу́шивати всех стра́ждущих и скорбя́щих с ве́рою и наде́ждою к твоему́ заступле́нию и по́мощи прибега́ющих, ско́рое поможе́ние и чуде́сное исцеле́ние всем подава́я; да не оскудее́т и ны́не милосе́рдие твое́ к нам, недосто́йным, мяту́щимся в многосу́етном ми́ре сем и нигде́ не обрета́ющим утеше́ния и сострада́ния в ско́рбех душе́вных и по́мощи в боле́знех теле́сных.

Исцели́ боле́зни на́ша, изба́ви от искуше́ний и мучи́тельства диа́вольского, стра́стно вою́ющего. Помоги́ донести́ жите́йский свой крест, снести́ вся тя́готы жития́ и не потеря́ть в нем о́браз Бо́жий. Ве́ру Правосла́вную до конца́ дней на́ших сохрани́ти, упова́ние и наде́жду на Бо́га кре́пкую име́ти и нелицеме́рную любо́вь к бли́жним, дабы помощи нам по отше́ствии из жития́ сего́ дости́гнути Ца́рствия Небе́снаго со все́ми угоди́вшими Бо́гу, прославля́я милосе́рдие и бла́гость Отца́ Небе́снаго, в Тро́ице сла́вимаго: Отца́ и Сы́на и Свята́го Ду́ха, во ве́ки веко́в. Ами́нь.

Кондак 7

Хотя милосердный Господь спасти творение Свое в последняя сия времена, егда вся сила вражия, за отступление от Бога и нераскаянность во многочисленных грехах и пороках, восстала на творение Божие, посылает милосердный Господь в грешный мир угодников Своих. Таковою подвижницею и молитвенницею явилася еси блаженная старица Матрона. Прославим же милосердие Божие к нам, грешным, благодарно поюще Ему: Аллилуиа.

Икос 7

Новую и дивную дарова Господь людем российстем заступницу, молитвенницу, целительницу и ходатаицу за них к Богу по отшедших от мира сего старцах святых Оптиной пустыни: Льве, Макарии, Амвросии и святом праведном Иоанне Кронштадтском, подвизая всех угоднице Своей, блаженной старице Матроне, воспевати сице: Радуйся, спасения нашего к Богу ходатаице. Радуйся, о прощении грехов наших Судии Праведнаго умилостивительнице. Радуйся, святых храмов и монастырей усердная посетительнице.

Радуйся, безпомощных и безнадежных больных и обидимых ниспосланная Богом покровительнице. Радуйся, с силами бесовскими и кознями их непрестанная воительнице. Радуйся, безкровная мученица Христова, над злейшим мучителем – диаволом, победительнице. Радуйся, блаженная старице Матроно, предивная чудотворице.

СВЯТЫЕ ЖЕНЫ. БЛАЖЕННАЯ МАТУШКА МАТРОНА МОСКОВСКАЯ

БЛАЖЕННАЯ МАТУШКА МАТРОНА И ИКОНА «ВЗЫСКАНИЕ ПОГИБШИХ»

О РАДОСТИ В СОВРЕМЕННОМ МИРЕ

ВИДЕНИЯ И ЧУДЕСА БЛАЖЕННОЙ МАТУШКИ МАТРОНЫ

СВЯТАЯ БЛАЖЕННАЯ МАТУШКА МАТРОНА

СОБОР МОСКОВСКИХ СВЯТЫХ. АЛЕКСИЙ МЕЧЕВ

ДЕНЬ ПАМЯТИ БЛАЖЕННОЙ КСЕНИИ ПЕТЕРБУРГСКОЙ

КИТАЯНКА ПО ИМЕНИ КСЕНИЯ

БОЧКА МЕДА

ИСЦЕЛЕНИЯ БЛАЖЕННОЙ КСЕНИИ ПЕТЕРБУРГСКОЙ

СВЯТАЯ БЛАЖЕННАЯ КСЕНИЯ ПЕТЕРБУРГСКАЯ

ЮРОДИВЫЕ. СИЛА ДУХОВНОГО РАЗУМА

ИОАНН КРОНШТАДТСКИЙ. ЛИЧНЫЙ ДНЕВНИК

ЛИЧНЫЙ ДНЕВНИК. ПРОДОЛЖЕНИЕ

ИОАНН КРОНШТАДТСКИЙ. НЕИЗДАННЫЙ ДНЕВНИК

СВЯТАЯ БЛАЖЕННАЯ КСЕНИЯ ПЕТЕРБУРГСКАЯ

ПРЕДВИДЕНИЕ СВЯТИТЕЛЯ ИГНАТИЯ КАВКАЗСКОГО

ПРЕПОДОБНАЯ ЕФРОСИНИЯ ПОЛОЦКАЯ

НИКОЛА СВЯТОША